Ex P. Philippo Elssio in Encomiastico Augustiniano, edit. Bruxellis 1654, pag. 248

Beatus Gregorius de Veruculo verbi Divini praedicatione fervidus, corporis maceratione mirabilis variis miraculis coruscavit: concurrunt Populi in necessitatibus ad Coenobium Veruculi sacris ejus ossibus dives, praecipue ad pluviam petendam, et Corpus viri Sancti in Processione deferentes, devotos offerunt animos, et sub ejus invocatione, et tutela obtinent postulata.