DOC. 11 - CLEMENTIS <DE AUXIMO>, FRATRUM HEREMITARUM O.S.A. PRIORIS GENERALIS, LITERAE
24 agosto 1290 - Rimini
DOC. 11 - CLEMENTIS <DE AUXIMO>, FRATRUM HEREMITARUM O.S.A.
PRIORIS GENERALIS, LITERAE
24 agosto 1290 - Rimini.
Fra Clemente, (priore) generale dell'ordine degli eremiti di S. Agostino, essendo fra Agostino, provinciale della provincia di Ancona, stato eletto dal capitolo generale di Ratisbona procuratore dell'ordine presso la Curia Romana, nomina fra Matteo de Follis da Camerino dello stesso ordine suo vicario nella stessa provincia fino a quando sarà eletto dal prossimo capitolo provinciale e confermato (dal priore generale) il nuovo provinciale.
Copia autentica del 5 febbraio 1291, in fondo al doc. n. 12 [B]. La copia fu eseguita da ‘Leonardus Ubaldi notarius auctoritate imperiali’. Francesco, vescovo di Fano, ‘certioratus de ipsius generalis prioris sigillo, benigne et grate suam interposuit auctoritatem’.
Frater Clemens, ordinis fratrum heremitarum sancti Agustini prior a generalis, religioso viro in Christo dilecto fratri Matheo de Follis de Camerino eiusdem ordinis salutem in Domino sempiternam. Cum fratrem Agustinum provintialem vestre Anconitane provintie, per nos et diffinitores generalis capituli Ratispone cellebrati procuratorem ordinis effectum, statim oporteat ad Romanam curiam ad exequendum sibi co(m)missum offitium de mandato nostro dirrigere gressus suos, et ne provintia ipsa sine pastore et rectore debeat nec expediat remanere, fraternitati vestre, de cuius bonintate et zelo credimus posse confidere, vicem nostram comittimus et tenore presentium vos ipsius provintie in nostrum viccarium ordinamus. Vobis nichilominus vinculo obedientie districtius iniungentes quatenus ex nunc, visis presentibus, prefate provintie gerentes curam, donec capitulum ipsius provintie fiet et etiam post factum predictum capitulum, quo usque provincialis ibidem eligendus confirmatus fuerit et ministrare eam ceperit, personam nostram representetis et vicem nostram in omnibus ac viccarie offitium possitis et debeatis super provintiam et fratres ipsius in omnibus et symgulis plenarie exercere; prioribus insuper et fratribus omnibus dicte provintie artius harum tenore mandantes ut vobis durante comisso vobis offitio tamquam nobis debeant in omnibus et ubique humiliter obedire. Dat(um) Arimini nona kalendas sett(em)bris. Et ego iamdictus Leonardus Ubaldi notarius auctoritate inperiali, ut inveni et vidi plenius contineri in predictis literis duabus sigillatis cum cera rubra et sigillo circulare, scripto habente nomen ipsius generalis prioris, et interius inmaginem gloriose Virginis cum Filio superius continente, subtusque formam unius angeli quemdam fratrem genuflexum per manum tenentis, cuius fratris habitus et forma ipsius generalis prioris personam representare videbatur, sic omnia et symgula supradicta quam veratius potui, transcripsi et fideliter exemplavi, nil forte, preter punctum, lineam vel f[orm]am, dolo aliquo in mutatione tenoris vel substantie earumdem addito vel subtracto. Quarum literarum exemplis sic transcriptis et exemplatis et coram patre domino do(m)pno Francisco, venerabili Fanensi episcopo, una cum Iacobo de Camerino ipsius domini episcopi notarii sole(m)pniter ascultato, idem venerabilis episcopus, certioratus de ipsius generalis prioris sigillo, benigne et grate suam interposuit auctoritatem. Sub annis Domini millesimo CCLXXXXI, IIII indic(tione), Fani, die V intrant(e) febr(uario), t(em)por(e) domini Nicolay pape IIII, in camera ipsius domini episcopi, coram do(m)pno Deutaleve capellano ipsius domini episcopi, Mauritio condam Za(n)nis domini Bartoli Melioris et aliis pluribus de his rogatis t(es)t(ibus) et vocatis; et usitatum apposui signum meum.
