DOC. 7 - INSTRUMENTUM PERMUTATIONIS

26 settembre 1269 - Piaggiolino

DOC. 7 - INSTRUMENTUM PERMUTATIONIS

26 settembre 1269 - Piaggiolino.

Giacomuzio, Guidolino (e Sora) figli della fu Kera, figlia del fu Giacomo di Castrogirardi, e di Artrotto di Guido di Monteporzio, presente, consenziente e rinunziante al diritto di usufrutto che vi aveva a motivo della ‘patria potestas’, danno a fra Clemente da Osimo dell'ordine degli eremiti di S. Agostino, priore provinciale, e alla comunità dell'eremo di S. Lorenzo di Piaggiolino dello stesso ordine una selva sita in Piaggiolino, tutta la terra sita nel fondo di S. Lorenzo antico, e un pezzo di vigna, un altro di terra e un altro ancora di selva siti in Piaggiolino verso il Cesano; e ricevono in cambio un campo sito nella serra di S. Martino, un pezzo di selva sito in Piaggiolino verso il Cesano, una provenna di terra e un pezzetto di selva siti in Piaggiolino verso Castrogirardi.

Originale, Roma, Coll. Germanico, Pergamene di F. Ave11ana n. 485 [A]; copia semplice de1 sec. XVII, ivi [B]. Su1 verso di A, di mano de1 sec. XIII-XIV: ‘Sancti Laurentii Plagiolini’. Pergamena gravemente danneggiata dai topi lungo i1 lato sinistro e con a1cune macchie.

In nomine domini nostri Iesu Christi, amen. Anno millesimo ducentesimo sexagesimo nono, die quarto exeunte septembri, indic(tione) duodecima, Plazolini, apostolica Sede pontifice su(m)mo vacante Iacomutius et Guidolinus filii condam domine Kere, filie olim domini Iacobi de Castrogirardi, et filii etiam domini Artrotti domini Guidonis de Monte Porco, presente, volente et consentiente ipso domino Artrotto eorum patre ac remittente subscripto priori et conventui ius sibi competens et competiturum in usisfructibus infrascriptarum rerum [in o]ccasione patrie potestatis, et eis ius etiam remittente sibi co(m)petens et co(m)petiturum in eisdem rebus, quacu(m)que alia occasione, ratione vel causa excogitata vel excogitanda. [ E]t etiam ipse dominus Artrottus, suo nomine et nomine filie sue Sore habite ex domina Kera predicta, pro qua promittit infrascripto priori et conventui se facturum et curaturum cum effec[tu], sub pena infra dicenda, quod ipsam presentem permutationem et omnia et singula que in ea continentur firma et rata habebit perpetuo et tenebit et non contraveniet vel faciet, i(m)mo [quod i]psa ratificabit et approbabit et affirmabit quandocu(m)[que dice]ndus prior et conventus vel successores eorum voluerint, ad laudem et sensum sapientis eorum, per se et eorum heredes successores et omnes ab eis causam habentes vel habituri pure, libere et absolute, iure proprio si est, si non, condictitium vel ecclesiasticum, cum licentia innovandi impetraverit, dant, permutant et tradunt fratri Clementi de Auximo de ordine heremitarum sancti Augustini, priori universali fratrum omnium eiusdem ordinis per Anconitanam Marchiam degentium, et conventui fratrum heremitarum Sancti Laurentii de Plazolino et fratri Beni(n)gno de Fano, fratri Iacobo sacerdoti de Molliano, fratri Iohanni de Fano, fratri Rinaldo de Civitanova, fra tri Ranerio de Urbino, fratri Actoni de Pira, fratri Ubaldo de Monterubiano, fratri Ia(n)ni de Monteulmi, fratri Ia(n)ni de Monticulo, fratri Nicholaho de Rachanato, fratri Andree de Sancto Elpidio, fratri Matheo de Sancto Severino et fratri Iacobo de Cingulo, per sonum ca(m)panelle in ecclesia Sancti Laurentii de Plazolino more solito congregatis, recipentibus et stipulantibus nomine heremi dicti Sancti Laurentii de Plazolino et pro ipsa heremo et pro ipso priore ac conventu et successoribus eorum i(n) perpetuum, et nomine ac vice totius dicti ordinis et pro ipso ordine, res subscriptas, videlicet unam silvam sitam i(n) Plazolino infra hec latera: a I via sive semita per quam venitur a Sancto Martino et exitur ad dictam heremum, a II vinea et terra condam Peregrini quam nunc habet heremus dicta, a III rivus Petii Patringni et a IIII, versus Sanctum Martinum, dictus dominus Artrottus nunc possidet silvam quandam et ortales sicut designatum est. Item dant, permutant et tradunt predicti, predicto modo et forma, dicto priori et conventui totam terram sitam in fundo Sancti Laurentii antiqui infra hec latera: a I, versus montanam, fratres heremi dicte possident terram et olivetum condam Peregrini et terram et olivas quas concessit eis dominus Iacobus de Castro Girardi, a II, versus Sasanum, silva dicti domini Artrotti, a III, versus mare, lentia terre condam filiorum Offi, quam nunc possidet uxor condam domini Accurimboni de Montevetulo et dictus dominus Artrottus, et a IIII, versus Castellare, silva dicti domini Artrotti. Item, predictis eodem modo et forma, dant, permutant et tradunt dicto priori et conventui unum petiolum vinee giri medii tractus et unum petium terre stuble et unum petium silve sicut designatum est; que res site sunt i(n) Plazolino, versus Sasanum, infra hec latera: a I, versus mare, fratres dicti loci possident terram et olivetum condam Peregrini, a II, versus Castellare, vinea, ortus et silva dictorum fratrum est, a III, versus montanam, est silva et terra dictorum fratrum, in qua habent fossarium, et a IIII, versus Sasanum, est silva dicti domini Artrotti sicut designata est, vel si qui dictis rebus alii sunt confines, cum introitibus et exitibus earum usque in vias publicas, et cum omnibus et singulis earum pertinentiis in integrum et cum omni iure et actione, usu seu requisitione eis ex dictis rebus vel pro ipsis rebus omnimodo pertinente sive expectante et in futurum competitura, ad habendum, tenendum, possidendum, fruendum, lucrandum, vendendum, alienandum et quicquid dicto priori et conventui ac ordini et eorum successoribus perpetuo placuerit faciendum; de quibus rebus predicti nullam reservationem in aliquo nec de aliquo faciunt, dantes ipsi priori et conventui, nomine ipsius heremi et pro ipsa heremo et eorum nomine ac totius ordinis eorum et pro ipso ordine ac successoribus eorum, plenam licentiam et liberam potestatem ipsarum rerum tenutam et possessionem corporalem, eorum auctoritate propria, sine aliqua occasione iuris et violentie et contradictione apprehendere ac tenere; et donec apprehenderint, sepedicti constituunt eorum et dicti ordinis nomine possidere. Ideo predicti Iacomutius, Guidolinus et dominus Artrottus predicta faciunt, quia dictus prior, de expressa voluntate totius dicti conventus, et ipse conventus totus, nemine dissonante, nomine dicte heremi et pro ipsa heremo et nomine eorum ac vice totius dicti ordinis et pro ipso ordine et successoribus eorum, eodem permutationis titulo, dant, permutant et etiam tradunt predictis Iacomutio, Guidolino et domino Artrotto, stipulantibus pro se et eorum heredibus successoribus et omnibus ab eis causam habentibus et habituris i(n) perpetuum, iure proprio si est, si non, condictitium vel ecclesiasticum, unde pertinuerit, cum licentia innovandi, pro predictis rebus, res subscriptas, s(cilicet) unum eorum campum situm in serra Sancti Martini infra hec latera: a I via qua itur ad dictam serram, a II via qua venitur a Vincareto et exitur in dictam serram, a III idem dominus Artrottus, et a IIII dictus dominus Artrottus et domina Iacomella cum consortibus. Item, et quia dictus prior et conventus, dicto modo et forma predictis, dant, permutant et tradunt unum petiolum silve situm in Plazolino, versus Sasanum, e(m)ptum condam a filiis Peregrini, infra hec latera: a I dicti fratres possident terram et olivetum que emerunt a filiis Peregrini, a II, III et IIII silva dicti domini Artrotti. Item, et quia etiam dictus prior et conventus, eodem modo et forma, dant, permutant et tradunt unam ploinnam terre et unum petiolum silve; que res condam fuerunt Geciri notarii, et site sunt in Plazolino, versus Castrum Girardi, infra hec latera: a I silva et terra dictorum fratrum, a II, III et IIII dictus dominus Artrottus vel si qui dictis rebus alii sunt confines. Unde renuntiant hiidem Iacomutius, Guidolinus et dominus Artrottus exceptioni non datarum, non permutatarum et non traditarum eis rerum predictarum et exceptioni doli et inficentium et omni alii legum auxilio, et auxilio co(m)petenti ultra dimidiam iuste permutationis seu ca(m)bii circu(m)ventis. Quod si dicte res superius eis date et permutate per eos valent vel valebunt plus rebus receptis per ipsos ab eis in earum cambium seu permutationem, totum id, s(cilicet) quod plus valent vel valebunt, dicti Iacomutius, Guidolinus et dominus Artrottus dicto priori et conventui dant et donant ex certa scientia, pure et irrevocabiliter inter vivos; promittendo ab hiis dolum, malum abesse abfuturumque esse, et se non usuros aliqua exceptione iuris vel facti per quam presens permutatio et plus valentis donatio ellidi possint in aliquo vel infringi; promittendo predictos dictas res permutatas habere licere. Ab omni quoque homine et universitate dicti Iacomutius, Guidolinus et dominus Artrottus predictis promittunt predictas res permutatas, cum earum pertinentiis omnibus, et deditas superius sibi priori et conventui legittime defendere, auctorizare, luere, attestari, quietare ac disbrigare, liberas et expeditas tradere in iuditio, arbitrio et extra omnemque da(m)pnum, litis expensas et interesse reficere et dictos priorem et conventum stipulantes eorum nomine et heremi dicte et totius dicti ordinis et successorum eorum conservare inde(m)pnes in iuditio, arbitrio et extra, tam ratione dictarum rerum quam ratione meliorationum et accessionum earum, omnibus dictorum Iacomutii, Guidolini et domini Artrotti laboribus et expensis. Que quidem omnia supradicta, singulariter singula et universaliter universa, predicti Iacomutius, Guidolinus et dominus Artrottus faciunt et promittunt, per se et eorum heredes successores et omnes ab eis causam habentes et habituros, priori et conventui dictis, stipulantibus eorum nomine et nomine heremi dicte et totius dicti ordinis et pro eis et ipsa heremo et ordine dicto et successoribus eorum, attendere et observare et firma et rata habere et tenere et in nullo contravenire vel facere, sub sole(m)pniter promissa et stipulata pena centum librarum R(avennatum) et Anc(onitanarum) ad singula suprascripta capitula in solidum referenda et totiens co(m)mittenda, exigenda et solvenda quotiens in aliquo predictorum fuerit contrafactum seu non observatum, et obligatione eorum bonorum que dicti Iacomutius, Guidolinus et dominus Artrottus se constituunt dictorum prioris, conventus, heremi, ordinis et successorum eorum nomine possidere; et dicta pena soluta vel non, ratis perpetuo manentibus omnibus et singulis suprascriptis, complendis semper ad laudem et sensum sapientis dicti prioris et conventus et successorum eorum quotiens oportebit, ut eis et aliis pro quibus superius stipulati sunt magis de iure valeant atque facto. Insuper dicti Iacomutius et Guidolinus, quia credebatur, s(cilicet) quilibet minor esse vigintiquinque annis, maior tamen quattuordecim annis s(cilicet) quisque ipsorum, presente, volente et consentiente dicto eorum patre, ad sancta Dei evangelia corporaliter iur(arunt) predictarum rerum permutationem et omnia et singula que in ea continentur, firma et rata habere perpetuo et tenere et non contravenire vel facere, minoris etatis occasione vel eo quod res quas superius receperunt in ca(m)bium valeant minus rebus quas permutarunt pro eis vel eo quod non legittime facta esset dicta permutatio vel eo quod non facta esset in eorum utilitatem vel si in eorum utilitatem facta esset et non duraret vel alia qualibet occasione, intentione vel causa, nec adversus predicta vel aliquod predictorum restitutionem aliquam i(m)petrare. Acta sunt hec omnia et singula in ecclesia Sancti Laurentii de Plazolino, presentibus domino Ugone Ugolotti de Fano, Caroso de Eugubio, Ianne Dominici Brustengi, Alevolo Mazoli de Fractis, Philippo Bonamoris de Cassano et Bentevengna Peri Rodulfini de Calli testibus ad hec vocatis etiam et rogatis. Sub anno, die, mense et indic(tione) predictis. Ego Perus Girardi notarius de Fano hiis omnibus et singulis suprascriptis interfui et ea dictorum contrahentium rogatu  s(crip)s(i).