DOC. 6 - INSTRUMENTUM VENDITIONIS
14 febbraio 1265 - Fano
DOC. 6 - INSTRUMENTUM VENDITIONIS
14 febbraio 1265 - Fano.
Giovannetto di Castro Girardi vende all'eremo di Piaggiolino dell'ordine di s, Agostino, in persona di fra Benigno priore, due lenze di terra ‘stubla’ sita nella corte del detto castello nel fondo **********, al prezzo di venti libbre ravennati e anconitane; in caso di inadempienza delle condizioni stabilite, impegna tutta la possessione che egli compera dal suddetto fra Benigno, col danaro ricevuto, nella corte di Castellare del Bulgaro in monte Galgano.
Originale, Roma, Coll. Germanico, Pergamene di F. Avellana n. 442 [A]; copia semplice del sec. XVII, ivi [B]. Sul verso di A, di mano del sec. XIII: ‘Carte entionis (sic) de Plagiolino’; di mano del sec. XIV: ‘De Plazolino et de (de lettura dubbia) Plano’. Pergamena con un grosso foro causato dai topi ed altri tre più piccoli causati dalle tarme.
In nomine Domini, amen. Annis eiusdem millesimo CCLXV, die XIII intrant(e) febr(uario), indictione VIII, Fani, in statione Leonardelli M(er)zani, in presentia ipsius Leonardelli, domini Uganis Peri Liuti, Ugolini domini Ugonis, Peri Mathei, et aliorum testium ad hec rogatorum et vocatorum. Iohannettus de Castro Girardi pure, libere et absolute, omni condictione semota, dedit, vendit atque tradidit fratri Benigno priori loci Plazolini ordinis sancti Augustini, nomine ipsius loci reccipienti, duas lentias terre stuble posite in curte castri iamdicti, in fundo **********, infra hec latera: a primo strata publica, a secundo Sancta Crus Fontis Avelane, a III° via publica et a quarto dictus locus Plazolini; infra hec latera et si que sunt [sibi] latera alia, dictus Iohannettus dedit et vendidit eidem priori, reccipienti nomine loci eiusdem, dictas [lentias cuml in troitibus et exitibus suis et omnibus et singulis infra se et super se habentibus et sibi pertinentibus [in integrum]; nulla reservatione de eisdem rebus vel causa aliqua facta in se vel suis heredibus; inmo liceat eidem fratri Benigno, nomine loci eiusdem, in easdem res ingredi et ipsam tenutam deinceps aprehendere sua auctoritate, sine omni ocasione iuris et violentie, quas interim precario nomine eiusdem prioris et ipsius loci tenere promisit, ad habendum, tenendum, fruendum, lucrandum, vendendum et alienandum et quicquid eidem priori, nomine loci eiusdem, placuerit deinceps perpetuo fatiendum; promittens dolum, malum abesse abfuturumque esse, et habere et licere. Ideo dedit et vendidit idem priori eidem, reccipienti nomine loci, easdem res, quia exinde nomine pretii et pro pretio rerum earumdem reccepit ab eodem priore, nomine loci eiusdem, viginti libras R(avennates) et Anc(onitanas); quod quidem pretium apud se habere confessus fuit, quia datum et solutum fuit eidem vendictori ac tradictum coram presenti notario infradicendo et testibus supradictis, renuntians exceptioni non habiti, non reccepti, non numerati et non tradicti sibi vendictori pretii supradicti et exc(eptioni) doli et inficentium et iuri deceptis co(m)petenti ultra dimidiam iusti pretii circumventis; sciens idem vendictor res easdem plus dicto pretio valere, set ad co(mun)em exstimationem plus vendi non posse, attamen totum id quod plus valet vel valebit pretio supradicto, idem vendictor per se suosque heredes dedit et donavit eidem fratri Benigno reccipienti nomine loci eiusdem, pure, libere, absolute et inrevocabiliter inter vivos. Unde promisit dictus vendictor, per se suosque heredes, eidem fratri Benigno reccipienti nomine loci eiusdem, easdem res deffendere, attestari, auctoriari, lure et disbrigare ab omni hominum persona in curia et exstra et ipsum locum exinde conservare inde(m)pnem omnibus et singulis expensis et da(m)pnis ipsius vendictoris in curia et exstra curiam fatiendis et tollerandis et pro bonis et singulis observandis pleneque adimplendis, iure pignoris, obligavit idem Iovanettus possessionem infrascriptam eidem priori, nomine loci sepedicti, quam ipse vendictor confessus est se emisse de dictis viginti libris datis sibi pro pretio earumdem rerum ab ipso fratre Benigno, nomine loci eiusdem, videlicet possessionem totam positam in curte Castellaris Bulgari in monte Galgano, infra hec latera: a primo via, a secundo dominus Albericus de Castellari et a tertio dominus Corbolinus eius frater et Thomasius Peri Lamberti et a IIII° heredes Ugolini Actoli Audienne, heredes domini Andree de Montoro et heredes Ranzeti et cetera ipsius vendictoris bona presentia et fuctura, que dictus Iohannettus vendictor precario nomine eiusdem prioris, nomine loci eiusdem, tenere promisit, sub pena dupli dicti pretii; qua soluta vel non, omnia et singula supradicta plenissima gaudeant firmitate. Acta sunt omnia et singula supradicta sub annis, die et indictione premissis et coram testibus s(uprascript)is. Ego Bartholus Iohannis Boni, aule imperialis notarius, hiis omnibus interfui et rogatus s(crip)s(i).
