DOC. 4 - INSTRUMENTUM VENDITIONIS
14 novembre 1261 - Piaggiolino
DOC. 4 - INSTRUMENTUM VENDITIONIS
14 novembre 1261 - Piaggiolino.
Guido di Massaria di Frattola vende all’eremo di Piaggiolino, in persona di fra Bene priore, una pezza di terra sita nel fondo Cesano o di Girolo, al prezzo di venticinque libbre ravennati e anconitane.
Originale, Roma, Coll. Germanico, Pergamene di Fonte Avellana n. 435 [A]; copia semplice del sec. XVII, ivi [B]. Sul verso di A, di mano del sec. XIII-XIV: ‘Instrumentum ca(m)pi de Plano’; di mano del sec. XV: ‘Emptio fratrum de Piagiolino’. Pergamena in buono stato di conservazione.
In Dei nomine, amen. Anno D(omini) MCCLXI, indictione IIII, te(m)pore quo ecclesia vacans erat, regnante domino Manfredino r(ege) in discordia cum ecclesia existente, die XIIII intrante nove(m)b(re). Dominus Guido domine Massarie de Fractula, si est proprium iure proprio, si est scriptum iure scripti, vendidit, tradidit atque dedit fratri Bene priori loci Plazolini, recipiente pro dicto loco sive nomine et vice dicti loci, petiam unam terre posite in fundo Cesani sive Giroli infra hec latera: a primo latere via publica, a secundo dominus Art/ructus, a tertio terra Sancte Marie et a quarto via, vel si qui alii sint ei confines, cum accessibus et egressibus suis usque in vias publicas et cum omnibus et singulis que super se et infra se habent et in integrum continentur, omnique iure et actione, usu seu requisitione sibi ex ea re vel pro ea re aliquo modo pertinente sive expectante, pro pretio XXV librarum Rave(nnatum) et Anconit(anarum); quod pretium fuit conte(m)ptus et confessus se ab eo accepisse integre, numeratum atque solutum esse. Renu(n)tians non numerati et non soluti pretii exceptioni et deceptioni ultra dimidiam iusti pretii et omni decretalium et legum auxilio, sciens dictam rem plus dicto pretio valere, et quantum plus dicto pretio valeret, ei pure, libere, simpliciter et irrevocabiliter inter vivos donavit. Quam rem se eius nomine constituit possidere donec corporalem huius rei acceperit possessionem; quam accipiendi auctoritate sua et retinendi deinceps licentiam omnimodam sibi contulit atque dedit, ad habendum, tenendum ac possidendum et quicquid sibi suisque successoribus placuerit deinceps perpetuo faciendum. Stipulatione dictus venditor pro se suisque heredibus promixit eidem e(m)ptori pro se suisque successoribus stipulanti, quod de dicta re vendita nulli alii fecit alienationem nec cessionem nec contractum in fraudem alienationis; et si factum fuisse reperiretur, et dictus e(m)ptor vel eius successores da(m)pnum aliquod propter hoc sustineret, ipsum successoresque suos inde(m)pnes conservare. Et promixit idem venditor pro se suisque heredibus ipsi emptori pro se suisque successoribus stipulanti, litem nec controversiam movere si dictam rem venditam ab omni homine et universitate legitime defendere et eius successoribus auctorizare ac disbrigare omnemque da(m)pnum et expensas quod et quas faceret vel sustineret ipse vel eius successores in iudicio vel extra predicta re integraliter resarcire nec contra predicta vel aliquod de predictis per se vel alium aliquando facere vel venire occasione minoris pretii nec alia quacu(m)que ratione vel occasione, sub pena dupli dicte rei ut pro te( m)pore plus valuerit; et ea soluta vel non, dicta rata sint et firma, quotiens in singulis capitulis contra fieret totiens im pena co(m)mittatur, hoc inter partes expresse predicta nichilominus firmitate persistat. Actum in loco Plazolini in capite vinee dicti loci, pres(entia) fratris Simonis de Racaneto, fratris Iohannis de Monte Ulmi, Ianuarii Rainerii, Bonehore Homodei, Actulini Salvi, Iacomicti Grimi, Georzuli Sernini, Marzoli Montis Porci, Bartolini de Castro Girardi, testium. Ego Mons notarius s(crip)s(i), s(ub)s(cripsi) et publicavi.
